يا للي مش عارف مصيرك ..
من مصيري
وشوكك مَ بيجرحش غيري
عيدي إني أزيد ف نورك
وانت عيدك ..
موت ضميري
يا للي ليلك ألف ليل
يا للي خيلك شبه خيل
ياوطن محتاج وطن
ضيعت مني …
فارس الحلم الجميل
سلمت حلمك ليه
يافارس المعركة
راح فين إيمانك بالميدان
راح فين إيمانك بالشهادة والنتصار
متقولش تهت مع الجميع
انت الموحد لحظة النكسار
وانت الربيع
انت الميدان والمعركة
يافارس الحلم الطويل
حلمك جميل ….
متسلموش يوم للوطن
أصل الضماير ف الوطن …
صبحت ضماير مشركة
زي م احنا كفرنا بيهم
كفروا بينا وبالقضية
عَلِّي صوت الصرخة فيا
قول للظالم في الإمكان …
تخرس كل اصوات بتدق …
فوق بوابة شرف الأمة
قول للظالم في الإمكان …
بس م تنسى تقول للظالم …
بعد م تخرس كل ميدان
لسه في واحد عنده لسان
لسه بيان …
القضية مش مساومة
عَلِّي صوتك يامقاومة
طول م ليا لسان وصوت
طول م هلعن ف السكوت
يعلَى صوتي بألف لأ
يبقى حسي ف كل حق
القضية تعيش … واموت
طول م ليا …لسان …
وصوت
*****
شعر / سالم الفهد
ليست هناك تعليقات:
إرسال تعليق